युनिकोड
पात्रो
बिहिवार, कार्तिक १३ गते २०८३
बुधवार, कार्तिक १२ २०८३०४:१८
नेपाली कांग्रेसका नवनिर्वाचित पदाधिकारी तथा केन्द्रीय सदस्यहरूको शपथग्रहण कार्यक्रम बिहीबार हुने भएको छ। केन्द्रीय निर्वाचन समितिका अनुसार कात्तिक १२ गते दिउँसो २ बजे पार्टी केन्द्रीय कार्यालय सानेपामा शपथग्रहण कार्यक्रम आयोजना गरिनेछ।
केन्द्रीय निर्वाचन समितिका सभापति प्रेमबहादुर खड्काले शपथग्रहण कार्यक्रमको तयारी पूरा भएको जानकारी दिए। उनका अनुसार सबै पदाधिकारी तथा केन्द्रीय सदस्यलाई एकै चरणमा शपथ गराउने तयारी गरिएको छ।
“शपथग्रहणको तयारी पूरा भएको छ। एकै चरणमा सबैको शपथग्रहण गराउन सकिन्छ। सबैका लागि ठाउँ हुन्छ,” उनले भने।
कार्यक्रममा कांग्रेसको १५औँ महाधिवेशनबाट निर्वाचित केन्द्रीय कार्यसमितिका पदाधिकारी तथा सदस्यहरूलाई सहभागी हुन बोलाइएको छ।
कांग्रेस सभापतिमा निर्वाचित गगनकुमार थापाले यसअघि नै पद तथा गोपनीयताको शपथ लिइसकेका छन्। बिहीबारको कार्यक्रममा उनले बाँकी पदाधिकारी तथा केन्द्रीय सदस्यहरूलाई शपथ गराउने कार्यक्रम रहेको छ।
Be the first to comment!
© 2026 All right reserved to rastrakhabar.com
Site BY Sobij
ताजा
लोकप्रिय
प्रतिक्रिया दिनुहोस